Friday, 28 July 2017

பேபி கார்ன் மிளகு வருவல் ரெசிபி


To Read this Recipe in English, Click Here 

தேவையான பொருட்கள்

பேபி கார்ன் 65க்கு 


  1. பேபி கார்ன்  - 8 துண்டுகள்
  2. சோள மாவு - (3-4) டேபிள் ஸ்பூன் 
  3. மைதா - 1 டேபிள் ஸ்பூன் 
  4. அரிசி மாவு - 2 டேபிள் ஸ்பூன் 
  5. சிவப்பு மிளகாய் தூள் - 1 டேபிள் ஸ்பூன் 
  6. மஞ்சள் தூள் - 1/4 தேக்கரண்டி
  7. உப்பு - 1/4 தேக்கரண்டி
  8. எலுமிச்சை - 1/2

மிளகு வருவலுக்கு 

  1. வெங்காயம் (பெரியது) - 1
  2. கறிவேப்பிலை - 2 
  3. மிளகு தூள் - 1 தேக்கரண்டி
  4. உப்பு - சிறிது (தேவைப்பட்டால்) 
  1. பேபி கார்னை நன்கு கழுவி சிறு துண்டுகளாக நறுக்கிக்கொள்ளவும்.
  2. அகலமான கிண்ணத்தில், சோள மாவு, மைதா, அரிசி மாவு, சிவப்பு மிளகாய் தூள், மஞ்சள் தூள், உப்பு மற்றும் எலுமிச்சை சாற்றை சேர்த்து நன்கு கலக்கவும். சிறிது தண்ணீர் ஊற்றி அடர்த்தியான கலவையாக கலக்கி கொள்ளவும்.
  3. நறுக்கிய பேபி கார்னை மாவு கலவையில் சேர்த்து கலக்கவும். 30 நிமிடங்கள் வரை ஊற வைக்கவும்.
  4. கடாயில் எண்ணெய் ஊற்றி காயவிடவும்.
  5. பேபி கார்ன் துண்டுகளை நன்கு பொரிக்கவும்.
  6. பொரித்த பேபி கார்ன் துண்டுகளை கவனமாக எண்ணெயிலிருந்து எடுக்கவும்.
  7. அதிக எண்ணெய்யை திசு பேப்பரில் எடுக்கவும்.
  8. அதே எண்ணெயில் நறுக்கிய வெங்காயம், மிளகு தூள், கறிவேப்பிலையை சேர்க்கவும். தேவைப்பட்டால் கொஞ்சம் உப்பு சேர்க்கவும். 2 நிமிடங்கள் வரை வதக்கவும்.
  9. பொரித்த பேபி கார்ன் துண்டுகளை சேர்த்து நன்கு கிளறவும்.
  10. சிற்றுண்டியாகவோ அல்லது சாதத்துடனோ சூடாக பரிமாறவும்.    

  1. விருப்பப்பட்டால், வெங்காய தாள் அல்லது குடை மிளகாய் வெங்காயத்தோடு சேர்த்து வதக்கிக்கொள்ளலாம்.
  2. சைனீஸ் சுவைக்கு சோயா சாஸ் மற்றும் தக்காளி சாஸ் சேர்த்துக்கொள்ளலாம்.
  3. பேபி கார்ன் பொரிக்க தயாரித்த கலவையில் இஞ்சி பூண்டு பேஸ்ட்டை சேர்த்தால் சுவை கூடும்.
  4. எலுமிச்சைக்கு பதிலாக தயிரை சேர்த்து கொள்ளலாம்.
  5. உப்பு மற்றும் காரத்தை சுவைக்கு ஏற்ப மாற்றிக்கொள்ளவும்.     

    No comments:

    Post a Comment

    வாசகர்களின் விருப்பமான ரெசிபி

    செட்டிநாடு மீல் மேக்கர் கிரேவி

    சோயா/ மீல் மேக்கரில்  புரத சத்து அதிகமாக உள்ளது. சைவம் சாப்பிடுபவர்களுக்கு  சோயாவிலிருந்து போதுமான புரதம் கிடைக்கும். சோயா பீன்ஸிலிருந...